На 30 мај, во рамки на нашиот фабрички парк, организиравме интерен настан посветен на нашите вработени по повод 56 години од основањето на компанијата. 

Им оддадовме признанија на вработените кои веќе 10, 20, 25 и 30 години се дел од нашето семејство, а на нашите поранешни вработени со посебна почит им врачивме рачно изработени реплики од „Молекулот– симбол на АДИНГ“.

Настанот беше можност за заедничко дружење, сеќавање и изразување благодарност за сè што сме изградиле заедно.

Како што рече и претседателот на Управниот одбор и генерален директор Зоран Петровски - „Ова што сме денес е резултат на тимски дух, посветенот, заеднички напор и задоволство во работата.“